بە ئامانجی بەرزکردنەوەی هۆشیاری دەروونی و بەهێزکردنی ڕۆڵی توێژینەوە لە خزمەتکردن بە کۆمەڵگە، سەنتەری ڕاوێژکاری دەروونی و کۆمەڵایەتی پەیمانگەی تەکنیکی کوردستان بەشدارییەکی کاریگەر و زانستی لە یەکەمین ڕووداوی نێودەوڵەتی «Research Spotlight of Mental Health 2026» کرد. ئەم ڕووداوە کە بە هاوبەشی زانکۆی سلێمانی و دامەزراوەی SEED لە ڕۆژی تەندروستی دەروونی جیهانی بەڕێوەچوو، بووە دەرفەتێک بۆ گفتوگۆی زانستی، ئاڵوگۆڕی ئەزموون و تاوتوێکردنی بابەتە گرنگەکانی تەندروستی دەروونی. لە چوارچێوەی ئەم بۆنەیەدا،( د. پێگاە سەیدی )بەڕێوەبەری سەنتەری ڕاوێژکاری پەیمانگەی تەکنیکی کوردستان ، بە پێشکەشکردنی توێژینەوەیەکی زانستی و بەشدارییەکی چالاک لە پانێڵی گفتوگۆ، ڕۆڵی خۆی لە پەرەپێدانی زانیاری و هۆشیاری دەروونی بەرجەستە کرد. ئێمە باوەڕمان وایە: گرنگیدان بە تەندروستی دەروونی، گرنگیدانە بە مرۆڤ، بە ژیان و بە داهاتووی کۆمەڵگە. سەنتەری ڕاوێژکاری دەروونی و کۆمەڵایەتی KTI، بەردەوامە لە هەوڵدان بۆ پەرەپێدانی هۆشیاری دەروونی، پشتگیری مرۆڤ و دروستکردنی کۆمەڵگەیەکی تەندروستتر و بەهێزتر

<< >>