ڕێزلێگیران لە ڕێوڕەسمی ڕێزلێنان لە مامۆستایان و ناوەندە چالاکەکانی پەیمانگە

لە ڕێوڕەسمی ڕێزلێنان لە مامۆستایان و ناوەندە چالاکەکانی پەیمانگەی تەکنیکی کوردستان، کە لە ڕێکەوتی ٥ی شوباتی ٢٠٢٦ بەڕێوەچوو، سەنتەری ڕاوێژکاری وەک یەکێک لە چالاکترین ناوەندەکانی پەیمانگە و بەهۆی تۆمارکردنی ڕێژەی بەرزی سەردانی ماڵپەڕی ، لەلایەن ڕاگرایەتی ڕێزلێگیرا. هەروەها د.پێگاە سەیدی، بەڕێوەبەری سەنتەری ڕاوێژکاری، لە پلەی ڕیزبەندی مامۆستایانی چالاکدا پلەی دووەمی بەدەستهێنا و بەم بۆنەوە خەڵاتی تایبەتی ڕێزلێنان و پێزانینی وەرگرت. ئەم دەستکەوتە بەرچاوە ئەنجامی هەوڵ و پشتێنەبەستنی بەردەوامی سەنتەرە لە پێشکەشکردنی خزمەتگوزاریی ڕاوێژکاری و پەروەردەیی بە خوێندکاران، هاوکات پەرەپێدانی ماڵپەڕی فەرمی وەک سەکۆیەکی سەرەکی بۆ پەیوەندی و دەستڕاگەیشتن بە خزمەتگوزارییەکان، کە بووەتە هۆی سەرنجڕاکێشانی خوێندکاران و بەکارهێنەران.