سیمیناری زانستی بە هەماهەنگی لەگەڵ ئاسایشی هەرێم

لە ڕۆژانی ٢٧ و ٢٨ی تەشرینی دووەم، سەنتەری ڕاوێژکاری بەهەماهەنگی لەگەڵ بەڕێوەبەرایەتی ئاسایشی هەرێمی کوردستان، و لە چوارجێوەی چالاکییە هاوبەشەکانی هەردوو بەڕێوەبەرایەتی "نەهێشتنی مادە هۆشبەرەکان" و "ڕاگەیاندن و پەیوەندییەکان" سیمینارێکی پەروەردەیی دوو ڕۆژەیان ساز کرد لەسەر خۆپارێزی لە مادە هۆشگۆڕەکان. ئامانجی سەرەکی ئەم سیمینارانە بریتی بوو لە پەرەپێدانی ئاستی هۆشیاری و زانیاریی خوێندکاران و فەرمانبەران و بەرپرسانی پەیوەندیدار لە بواری مەترسییە تەندروستی و کۆمەڵایەتی و دەروونییەکانی مادە هۆشگۆڕەکان. لەم سیمینارەدا، کۆمەڵێک پسپۆڕی بواری تەندروستی، دەرونزانی، یاسا، و کارمەندانی ئاسایش بەشداربوون و ڕاهێنان و وتاری تایبەتیان پێشکەش کرد.